Navoshta pisacj pa-bielarusku lacinskaj abecedaj?

Ну добра, напішам крыху кірылічаскай азбукай, каб панізіць уваходны бар'ер.

Мы верым, што эўрапейская краіна Беларусь будзе вызвалена ад маскоўскай акупацыі, прайдзе грунтоўную декамунізацыю, адрадзіць сваю эрапейскую мову і таму мае патрэбу адбудавання сваёй сапраўднай эўрапейскай ідэнтычнасці праз полнае павяртанне да лацінскай абэцэды. На тое ёсць шэраг паважных прычын.

1. Палягчэнне міжнароднай інтэграцыі і камунікацыі

Лацінская абэцэда з'яўляецца найбольш распаўсюджанай у свеце, яе застасаванне значна палегчыць беларусам доступ да міжнародных рэсурсаў, тэхналогій, адукацыі, турызму і бізнес-камунікацый. Пераход на лацінку паспрыяе прыняццю Беларусі ў кола самых цывілізаваных краінаў свету. Гэта таксама значна аблегчыць вывучэнне беларусамі замежных моваў, а замежнікам — беларускай мовы. Кірыліцай карыстаецца ўсяго-та меньш за 3% людзей на Зямлі і доля яе застасавання у свеце няспынна памяньшаецца. Гэта карабель які ўжо ідзе на дно гісторыі.

2. Спрашчэнне карыстання тэхналогіямі

Большасць сучасных лічбавых тэхналогій, праграмнага забеспячэння і вэб-сэрвісаў першапачаткова распрацоўваюцца на лацінскай графіцы. Пераход беларускай мовы на лацінку паскорыць і спрасціць набор тэкстаў, пошук інфармацыі ў інтэрнэце, а таксама паменшыць колькасць памылак, праблем са шрыфтамі, кадаваннем і сумяшчальнасцю. Нават неабходнасць ў пераключэнні паміж раскладкамі клавіятуры можа застацца ў мінулым.

3. Гістарычная пераемнасць і еўрапейскі кантэкст

Першыя артефакты беларускай зямлі з лацінскімі надпісамі і рымскімі цыфрамі дайшлі да нас у скарбах антычных часоў. Напрыклад рымскія манэты датуюцца першым стагоддзем, а гэта на цэлых 800 год раней, чым была вынайдзена кірыліца ў Булгарыі. 

Кірыліца была адной з папулярных формаў пісьменства ў Полацкім Княстве побач са скандынаўскімі рунамі і грэчаскімі літарамі, але аб'яднанне з Літвой і Польшчай дапамагло павярнуць дамінаванне лацінскай абэцэды, надавая пісьмовую форму адразу некалькім мовам, у тым ліку часткова і «старабеларускай» рутэнскай мове. Таму літэратурная беларуская мова натуральна паўстала менавіта лацінскай графікай, а массавае насадженне кірыліцы адбылося пад маскоўскай акупацыяй і са з'яўленнем камуністаў.

Пераход на лацінку падкрэсліць вольную еўрапейскую ідэнтычнасць Беларусі і яе сувязь з еўрапейскай культурнай спадчынай.

4. Дыферэнцыяцыя ад расейскай мовы і падкрэсліванне самабытнасці

Адным з аргументаў застасавання лацінкі з'яўляецца імкненне падкрэсліць унікальнасць беларускай мовы і візуальна адрозніць яе ад маскоўска-расейскай мовы, якая была насаджана гвалтам і зрабілася іструментам этнацыду многіх народаў, акупаваных Маскоўскай імперыей. Гэта магло б узмацніць самасвядомасць і адбудаваць моўную ідэнтычнасць на шляху да дэкаланізацыі Беларусі.

5. Павышэнне прывабнасці для моладзі і сучасных медыя

Для маладога пакалення, якое актыўна карыстаецца інтэрнэтам і сацыяльнымі сеткамі, лацінская абэцэда можа быць больш натуральнай і прывабнай. Лацінізацыя паспрыяе большай папулярызацыі беларускай мовы ў сучасных дігітальных медыяпрасторах.

6. Патэнцыял для паляпшення правапісу

Разам з пераходам на лацінскую абэцэду можна было б правесці і рэформу правапісу, накіраваную на яго спрашчэнне, мадернізацыю і ўдасканальванне, што яшчэ больш палегчыць вывучэнне, застасаванне і распаўсюд беларускай мовы. Спалучэннем літар можна паўнавартасна замяніць спецыяльные літары і незручныя дыякрытычныя знакі (так званыя «гачыкі» над літарамі šśčćžźńŭł). Але пры гэтым любыя змены правапісу не павінны мяняць вымаўленне нашай прыгожай і старажытнай мовы.

7. Спрашчэнне транслітарацыі і паслядоўнасць у назвах

Пераход на адзіную лацінскую сістэму пісьма для беларускай мовы дапаможа вырашыць праблемы з непаслядоўнай транслітарацыяй беларускіх імёнаў, прозвішчаў і геаграфічных назваў у міжнародных дакументах і кантэксце. Назвы беларускіх гандлёвых марак будуць адназначна супадаць з іх інтернэт-адрасамі і нікамі ў сацыяльных медыя.

Nu tady niama chaho chakacj,  lacinka — heta abeceda buduchyni, jakoj mozhna karystacca wzho zaraz.